Vedat Muriqi nga më të mirët e ndeshjes së sotme

21:20 | 20 Shkurt 2022
KRG

Vedat Muriqi po e përjeton një start fantastik në La Liga.

Në tri ndeshjet e para, sulmuesi nga Kosova ka shënuar dy gola dhe ka dhuruar një asist.

Me golat dhe asistet e tij, ai po e ndihmon Mallorcan që të jetë mbi vendet që bien në kategorinë e dytë.

Sulmuesi kosovar realizoi golin e vetëm të Mallorcas në humbjen e sontme 1:2 ndaj Betisit në ndeshjen e vlefshme për xhiron e 25-të në La Liga.

E starti i fuqishëm i sulmuesit shtatlartë nuk ka kaluar pa u vënë re nga La Liga.

Ajo në profilin e tyre zyrtar në Twitter në gjuhën angleze e ka përgëzuar Mallorcan për transferimin e tij.

“Vedat Muriqi në La Liga: 3 ndeshje, 2 gola, 1 asist. Çfarë nënshkrimi, Mallorca”, shkroi liga spanjolle.

Sulmuesi kosovar i Mallorcas, Vedat Muriqi luajti në këtë përballje për 90 minuta, ku edhe gjeti golin e vetëm për skuadrën e tij.

Këtu gjeni golin e sotëm: Video

Muriqi ishte padyshim një nga lojtarët më të mirë në këtë duel nga skuadra e tij.

Ai u vlerësua me notën 7.9 nga “Ëhoscored”, ku së bashku me Canales të Betisit ishin lojtarët më të vlerësuar në fushë.

Shpërndaje në rrjete sociale

Lajmet më të lexuara

Të ngjashme

Foto lajm